寇鴻萍與夫婿梁廷鏘早前外遊，半個月內去了十個國家。她倆先去墨西哥巡視餐廳業務，之後飛英國探望女兒唐貝詩、唐貝欣，更跟賭王何鴻燊與梁安琪所生的女兒何超盈一起食飯。
日長夜短好得意
寇鴻萍說：「因為近囡囡生日，佢今年仲叫大家唔好送禮，捐錢畀四川。」夫婦之後坐郵輪維多利亞皇后號，暢遊比利時、波蘭和芬蘭等國，寇鴻萍說：「最難忘係俄羅斯，陽光好好，日日20幾度，帶咗啲皮褸全部着唔到，同埋第一次試到日長夜短，每晚11點太陽先落山，凌晨兩點又出太陽，好得意。喺丹麥就遇上中學放榜，啲學生走晒出街慶祝，女仔着比堅尼、男仔赤膊坐喺度飲嘢，好得意。」不過，她就狂踩郵輪質素差。
撰文：DebbieLum