瑞士今屆同奧地利合辦歐國盃，我求大俠就覺得瑞士表現差啲，我仲記得瑞士對土耳其時嗰個巴素利聖雅各公園球場，好似唔識放水咁，搞到個波啜住唔識郁，仲話呢個球場被歐洲足協評為4星級喎！雖然瑞士𠵱家特登喺荷蘭訂咗靚草皮，話要漏夜趕工鋪草皮，但8強就到，時間咁急趕，個場到時可能都係好睇唔好食！