首部以香港棒球代表隊為主題嘅電影《無野之城》後日上映，噚日片中演員林苑、董敏莉、香子俊同一眾香港棒球隊成員，到旺角街頭宣傳電影，又喺現場派紀念品，吸引大批市民圍觀。《無》片其中一款眾男演員赤裸上身嘅海報，早前被投訴意識不良，董敏莉對此話：「絕對係太挑剔喇，我個人覺得藝術同美觀上都冇問題，唔係賣弄色情呀。」