薛凱琪（Fiona）昨日參與無綫新劇拍攝，透露過往拍拖經驗均以開心時間居多，湊巧近期她與林孝賢緋聞傳得火熱，昨日見她笑不攏嘴，連對好友鄭融為她證清白時，指另一緋聞男友房祖名也在場，薛凱琪只笑指好友選用了風趣方式為她解釋，很有創意，明顯春風得意笑對緋聞。
無綫劇集《盛裝舞步愛作戰》昨日在將軍澳電視廣播城拍攝，除了一班四葉草男女外，昨日找來薛凱琪和陳柏宇客串演出，陳柏宇飾演醫生，而薛凱琪雖然身穿護士裝束現身，但她真正角色是一位瘋癲病人。
「癲得好理智」
Fiona表示一直都渴望飾演瘋癲角色，她說：「因為每人都有神經質，尤其對藝人嚟講神經質係好，我自己癲得嚟就好理智，唔會掟嘢，只會喊同畫畫，係宣洩。」問到當她的男友會否很慘，Fiona即笑笑口說：「唔係，拍拖係開心，根據我過往經驗大部份時間都係開心。」
早前Fiona與林孝賢在一個派對上態度親密傳出緋聞，好友鄭融為她解圍時指房祖名也在場，力證二人清白，Fiona笑容滿面回應：「鄭融好明顯同我角色一樣有少少癲，佢用有趣方式幫我解釋，好有創意。」
此外，陳柏霖女友、混血女模Mandy自拍劇後皮膚明顯曬黑，問到男友會否不滿，她笑言：「我幾黑幾白佢都鍾意，不過拍呢套劇幾好玩，只係成日要曬同俾蚊針。」
採訪：卓寶花 攝影：黃偉雄