張學友和郭晉安兩位娛樂圈爸爸，在昨日的父親節，前者應護苗基金負責人蕭芳芳邀請，到時代廣場出席「爸爸媽媽守護我」嘉年華，他表示日前已與家人慶祝父親節，並收到大女親手做的相架。
學友說：「我前日返個女學校出席父親節活動，學校幫佢哋拍片講出鍾意爸爸啲乜嘢，我個女只係話我成日陪佢玩，都睇唔到我嘅內心。同埋佢遺傳咗我嘅特性，對住鏡頭好生硬好似背稿咁。」學友又謂女兒日漸長大，要開始向她灌輸正確性知識。
安仔計劃再生
至於郭晉安則與太太歐倩怡在奧海城出席育兒活動，分享湊仔心得，對於為人父後首個父親節，他興奮地說：「我同太太預備一陣返去拍video，講番自己嘅感受，等BB過幾年睇番，知道我幾含辛茹苦養大佢。今晚會同太太以及屋企人食飯慶祝。」
歐倩怡則透露開始收身，她說：「我要索番先吸引到佢再同我生，女性生完身形會變，自己上圍都大咗三、四個cup。」她又謂希望生夠四個，安仔得悉後說：「咁大家族呀。」他又發表愛妻宣言說：「女人好擔心身形，我就唔介意，佢ABCDE我都咁鍾意，下面嗰啲我唔理，顧住個樣就可以。」
採訪：李珮洳、王崇穎
攝影：陳俊強