花旗股市反覆下挫已經成個月，道指曾兩次反彈，不過升近保歷加通道中線都無功而還，上個禮拜五再現反彈，要睇實可唔可以衝破呢條線，𠵱家喺12500水平。
港股呢排跌得好傷，雖然內部經濟冇乜問題，但係外圍因素就不斷惡化，希望花旗股市反彈可以帶挈港股造番好啲。
G8財長開會，叫石油出口國增產，有用咩？美元唔升，油價好難回落。至於亞洲各國加息勢頭開始，必須留意往後發展。此外，A股會唔會止瀉，對港股好重要，記住短炒無妨，但要速戰速決。
聯通C輪9081：聯通（762）上周五收14.58元，反彈剛開始，先睇16.5元，可以諗吓隻C輪9081，上周五收17.2仙，有效槓桿3.7倍。
正股升上16.5元，9081可見27仙，正股跌穿13.68元，就沽咗隻輪止蝕。