古巨基、周柏豪同李卓庭噚日出席屯門舉行嘅「動物足球盃」活動，基仔同一名比堅尼外籍女郎主持開球禮後，被問到有傳佢經理人公司金牌賣盤嘅消息，基仔就話：「好嘢至會有人有興趣。」另外，李卓庭嘅爸爸噚日亦到場為愛女打氣，由於李卓庭獻唱時，音樂聲帶三度出現問題，最後佢清唱一曲，被觀眾報以掌聲支持。