西班牙門將卡斯拿斯，可能喺今屆歐國盃淘汰賽階段冇新龍門衫着。據西班牙嘅行家講，卡斯拿斯只帶咗3件龍門衫嚟參賽。唔通佢諗住西班牙踢完3場分組賽就玩完？佢解釋話諗住踢完分組賽後，再喺西班牙運啲新嘅龍門衫嚟，但點知國內依家有運輸業罷工，搞到未必運得切嚟，所以喺淘汰賽極可能著返分組賽時嘅舊衫。