大角嘴屋苑港灣豪庭同老銅時代廣場激發香港人思考公共空間知多少，「好打得」嘅發展局局長林鄭月娥，上星期四微服出巡港灣豪庭，該處係公共空間爭議源頭，林鄭親晤一眾慘被發展商誤導落叠嘅小業主，聽佢哋吐苦水。
港灣豪庭小業主代表王小姐話，林鄭當日逗留約一小時，主要參觀平台「偽公共空間」，又同居民交流意見，氣氛良好。佢話局長認同小業主一啲觀點，承諾會詳細研究，整體嚟講小業主都滿意高官到訪，希望有好消息。
小業主之前曾要求發展商恒基對話，但恒基請佢哋食咗四次檸檬，小業主向林鄭陳情，唔知有冇用，事關局長冇講明會幫手，八方希望佢唔係做完騷就算。