中國人崇尚「不時不食」、「不鮮不食」，食海鮮當然越鮮越好，想食生猛海鮮，上西貢、鯉魚門的餐廳、菜館並不是唯一途徑。從另一海鮮勝地流浮山，再走入一點的白泥，近年開了不少釣魚場，可將魚穫即釣即食，世上恐怕無一個方法，會比這樣食魚更新鮮。
記者：張一豪
攝影：譚盈傑
Model：Eriko（StageModel）
魚蝦飼養好鮮味
白泥近年開了很多釣魚場，有淡水、鹹水、鹹淡水，比較早經營的，是鴨仔坑的「波叔」釣魚場。「我呢度開咗4年幾，之前養魚，但啲魚越賣越平，已經無得做，咪改為釣魚場囉，因為沙士時，好多人都鍾意出外搵戶外場地玩。」波叔在這裏養魚，不是隨便放幾條魚就叫人釣，場內的魚種豐富，有白鱔、石斑、盲鰽、𩶘魚、星鱸、細鱗、紅囗、牙點，連魔鬼魚都有，全部是有機飼養，沒有任何化學魚糧，以魚、蝦等新鮮飼料養飼。所以除了肥美之外，魚肉鮮味無比，是以最適宜即釣即場煮食。
加薑葱蒸最鮮
來這裏吃魚，最簡單的方法是叫位阿姐幫你蒸，吃法簡單，只用幾片薑，幾條葱，蒸好後淋點熟油，再加豉油就可，波叔說：「之前有人教過我煮酒樓甜豉油嚟蒸，但我啲魚夠鮮，唔使用咁花巧嘅豉油，只要幾滴豉油吊一吊，味就出晒。」當日我們就找怪師傅來示範，他也覺得這樣新鮮的魚，不用太花巧，只要用幾片鮮竹葉包住，再簡單點以鹽焗方式炮製。焗熟後打開，魚身鮮香撲鼻，夾起來肉汁四溢，啖啖鮮嫩。
波叔除經營釣魚場外，近兩年還開始養罕有的本地蟹，因為是有機飼養，膏鮮肉甜，只要用幾片薑去蒸便可。如果想試鮮蟹，可先打電話叫波叔在蟹場拿貨預留；加上再過幾星期，便會有生曬的「六月黃」黃油蟹，預計每斤售$400-$500。假日時分，自備燒烤料，開炭爐邊釣魚邊燒烤，是個很豐富的假日大餐。
怪師傅示範：鹽燒鮮竹葉包魚
先預備一大張錫紙，上面放滿鹽。
把一條一斤多黃𩶘䱽，去頭和內臟。
以鮮竹葉包住魚身，鋪滿鹽，用錫紙包好，每邊燒約10分鐘。
鮮竹葉令魚味清香，又能保留肉汁，魚肉滑溜。即燒價一斤約$45
另一條魚客釣到的牙點，有一斤多，叫阿姐代蒸，肉質很嫩滑。約$60
波叔自養的「有機」本地蟹，蟹膏超香甜，肉質極鮮。
公蟹約$90/斤、蟹乸約$110/斤、混合約$100/斤
Ricky：「第一次嚟咋，會睇吓釣到乜，然後即場煮食。」
4歲子傑：「鍾意跟爸爸嚟釣魚魚，好好食。」
鴨仔坑波叔釣魚場（24726134）
地址：元朗流浮山下白泥村鴨仔坑
入場費：自攜每支魚竿或手排$70，租竿及釣魚每位$90
開爐費：$70（無自備飲品）、$100（自備飲品），可供最多10人使用。
帶走魚穫：一般魚穫$32/斤，白鱔$48/斤，石斑$64/斤，代蒸加工費$20-$30。
備註：凡釣魚者離場時必須打開冰箱、冰袋、背囊及竿袋等檢查，如發現偷魚一律罰款$1,000/斤。嚴禁用假餌釣魚。
交通：玩朗泰豐街（總站）或天水圍港鐵站乘33號專線小巴。