今屆歐國盃喺賽事末段經常出現峰迴路轉嘅情況，好似韋拿補時入波幫西班牙拎夠3分，就真係令球迷過足癮啦！唔講唔覺，至今16場比賽入面，總共有7球喺補時射入，如果唔係俄羅斯嘅前鋒柏夫里約真高對希臘臨完場前「單刀射失」，咁就又多一球喇。所以一日球證未吹雞都唔好熄電視住，分分鐘有意想唔到嘅收穫㗎！