一個大細路林敏驄加兩個醒目仔，九歲的Lincoln及四歲的Yohji，三仔爺猶如三兄弟，這個父親節這「三兄弟」聯群結隊往慶祝，實行叮走媽咪陳伶俐，因為媽咪到美國探親，正是他們一行三人作反的好時機。
大仔好學細仔好動
林敏驄今天父親節正日因要開工，於是囝囝決定提早為他慶祝，阿驄一副冧樣說：「我要忙住搞《棟溝笑》啲嘢，佢哋（兒子）提早同我慶祝父親節，好有心思，親自整咗張父親節卡送畀我，係大仔做嘅，佢寫祝我父親節快樂，又寫話多謝我咁takecare佢，真係感動到我眼濕濕。」
阿驄早前帶着兒子去大球場踢波，又陪他們去打高爾夫球，他說：「細仔好運動型，大仔就好學術型，佢都好鍾意玩。」兩個兒子能文能武，果然有乃父風範。
阿驄與兒子相處如朋友一樣，有時三仔爺互相傾訴心事，他開心笑說：「有時我工作忙，好少見到佢哋，咁佢哋會每日一電我，同我講好掛住我。」不過阿驄仍自覺不是十分稱職的父親，只給自己50分，他說：「扣晒啲分係因為冇足夠時間陪佢哋，未夠完美。」
採訪：陳寶明