我求大俠一直對車路士班主阿巴莫域治冇乜好感，佢份人見風駛𢃇好現實。車路士啱啱請咗葡萄牙教練「大菲」史高拉利做新領隊，阿巴莫域治就即刻話歐國盃撐葡萄牙，因為史高拉利帶球隊踢出娛樂性豐富嘅足球，好啱佢胃口喎。阿巴莫域治講呢番說話有幾真？大家心中有數。史高拉利伴君如伴虎，呢啲說話都係聽吓算啦。