陳慧琳（Kelly）首場演唱會昨晚假紅館開鑼，由於這是紅館封館前最後一騷，故Kelly隆重登場，身穿銀灰舞衣、踏上鐵甲戰車，以未來戰士look為個唱掀起科幻序幕，架勢十足。
陳慧琳的「LoveFighters演唱會08」昨晚在紅館開鑼，是次演唱會是紅館裝修閉館前的最後一個演唱會。演唱會於8點45分開始，全場幾乎爆滿，Kelly的爸爸、吳國敬及陳慧嫻等前來捧場。Kelly和舞蹈員都以一身銀色look出現，她戴上大銀帽、銀色大斗篷和銀色長靴，站在銀色戰車上威風凜凜地出場。
「冇晒babyfat」
Kelly連唱三首快歌包括《主打愛》、《毫無保留》及《phone殺令》，唱完後舞台噴火，舞台效果甚有睇頭。唱完後Kelly開腔說：「好掛住你哋，你哋好嘛？有冇掛住我呢？好多fans嚟捧場，我三年半冇開演唱會，以前好似同大家咁有babyfat，但𠵱家都冇晒！」
接着Kelly把斗篷擺來擺去，她笑說：「一睇就知我型啦，今晚我有好多主題，頭先嗰個就係未來戰士look，我最鍾意就係對長boots。」
義賣靚相籌款
此外，前晚約7點20分，Kelly乘保母車到紅館後台，她當時已化了妝和梳好頭髮，身穿T恤和短牛仔褲，露出長腿的她落車隨即往拜神，當時雖然下着雨，但現場有不少fans等候，向她大叫「Goodshow」，Kelly聞言即舉起手指公，心情靚絕。現場還有攤位義賣Kelly靚相，籌得善款會撥捐Kelly的慈善基金。
採訪：胡比
攝影：葉君海
