聽日係父親節，陳錦鴻（圖）同郭晉安噚日接受商台訪問分享湊仔經，安仔話錦鴻不停向佢提供湊仔貼士，點知太太歐倩怡話各處鄉村各處例，聽完就算。兩個爸爸異口同聲話唔會同老婆爭湊仔，不過錦鴻就爆囝囝九個月時同佢冲父子浴，囝囝仲好奇掹佢下體，最終俾老婆知道後阻止，以免囝囝日後成為習慣。