賈思樂，一個擁有永恒娃娃臉的人，中年時曾經放縱自己，暴飲暴食，令體重升，糖尿病及膽固醇過高，健康響起警號後，他才懂珍惜身體。如今練氣功、跑步、打羽毛球，藥到病除，他笑說：「我咁嘅年紀唔算太差呀。」
現年53歲的賈思樂（Louie）入行30年，在圈中經驗老到，不過他的樣子就不太顯老，若不留鬍子相信更年輕，他笑說：「我就係唔想畀人覺得太young，我個樣唔夠成熟，其實唔知開唔開心好，因為天生後生樣，但係又好似永遠長不大咁，人哋搵你做嘢，唔知信唔信你好。」
Louie唯一不滿意的就是有個大肚腩，他笑說：「我個肚腩33吋，體重143磅，咁嘅年紀差唔多，不過肚腩大咗啲，我仲有生暗瘡。」他坦言年紀大難免有些毛病，其家族遺傳糖尿病，加上貪食，令膽固醇過高。
每日跑步一粒鐘
為了改善健康，Louie現在每日跑步、練氣功，且不時打羽毛球，他說：「林綺娸同媽咪去跟歐陽佩珊學氣功，佢話媽咪嘅糖尿病練氣功後竟然冇事，我學咗一年，啲糖尿回復正常，不過要有恒心，每日我會做45分鐘至一小時氣功，佩珊話要心情好先至做。」
除了練氣功，Louie每晚約6時便到城門河附近跑步，大約跑一小時，他說：「因為我唔曬得，所以要夜啲去，跑完返屋企冲凉同食飯，每個星期日都會打羽毛球，不過好難搵場，成日都冇場，多數同一班朋友去打。」
戒內臟防膽固醇
除了運動，飲食習慣也要注意，Louie以前是大胃王，尤其愛吃動物內臟，常忍不住買大堆豬雜、豬腸及牛雜等，但現在他已不敢沾唇，皆因他膽固醇超標，他說：「我戒甜、戒牛、戒內臟，我試過150幾磅，喺新城度做，唔使見人嘛，不過𠵱家做司儀工作，又要接啲表演嚟做，咪要減磅。」顯然愛靚不是女人獨有，Louie說：「我以前啲皮膚好多黑色素，一撻撻咁，自從戒牛肉，又做面膜護理，啲黑色素消除晒，我係用果酸療法，一個月一、兩次就夠。」
Louie最後認為有些事要趁年輕做，譬如環遊世界，他至今已試過三次，他自言是個幸運兒，所以當有能力及時間容許去做的事，就應該去做，因為生命無常，他保持心境開朗方法便是enjoylife！
採訪：陳寶明
攝影：黃偉雄
養生之道：氣功治療兩招
Louie即場示範氣功招式，他雙目緊閉，雙膝微彎，雙手打圈轉左轉右各10次，然後用手按額前3次，重複動作至到氣功運行全身，他指身體此時會有點不受控，還會自然地手舞足蹈，動作每次不同，是視乎要治療的部位而定，這時已是踏入治療階段，他說：「有次我不受控瞓喺地上，自己都有啲驚，佩珊姐話氣功就係咁，其實血氣運行已經幫助緊治療有問題嘅部位。」他又表示，練氣功最好是每次在同一位置練，這樣吸收力較強。
低脂餐單必戒牛
Louie指營養師推介每日要有六小塊肉類到肚，這樣才能吸收營養，至於消夜則早已戒掉，若然晚上肚餓可吃點生果。
《早餐加午餐》
中午12時
兩塊多士
低脂牛油或低脂果醬（適合糖尿病人用）
一杯低脂牛奶，或不含咖啡因咖啡
《下午4時至5時》
生果餐，主要有香蕉、蘋果，有時加麵包
《晚上8時》
菜湯
去皮雞飯，或其他肉類（牛肉除外）
娛樂資料庫：孩子臉30年不變
賈思樂在娛樂圈打滾30多年，歷盡變遷，臉上多了風霜，可幸他仍舊是那張孩子臉。
資料來源：《蘋果》資料室
