今屆歐國盃邊個國家嘅球迷最受黃牛黨歡迎？係荷蘭！喺主辦國嘅行家訪問咗啲黃牛黨，佢哋話喺16支球隊嘅球迷當中，以荷蘭最闊綽，只要有人肯賣飛俾佢哋，基本上唔會點講價。咁邊個國家嘅球迷最孤寒？原來係法國同埋意大利！咁啱呢兩支球隊今屆賽事都表現麻麻，唔知係咪因為咁，搞到佢哋球迷買飛捧場嘅意慾都冇埋呢？