歐國盃大戰連場,公民黨議員梁家傑身在歐洲,佢唔係去睇波,而係參加一個國際議會管治研討會,同多個國家國會議員交流,了解各地議會運作模式。
傑哥話畀八方聽,香港立法會大致沿襲英國國會體制,歐洲國家議會都以英國為師,所以歐洲國家嘅議會運作模式,不論係口頭質詢、跟進地區議題、辯論模式等都同香港好相似,唯一不能同日而語嘅,係工作時間。
佢指適逢歐國盃決賽周,有個歐洲議會代表同佢講,近日都會準時黃昏6點收工,因為議員、職員要齊齊去睇波。香港立法會因為會期臨近尾聲,政府臨急抱佛腳催促議員加快審議草案,準時放工對議員嚟講絕對係奢望。