靚女「白癡」自從閃卡事件後，佢老公「大風遮」嬲到噴煙，白癡惟有摺埋盡量唔見人，成日匿埋湊仔，估唔到白癡嘅媽咪就啱啱相反，呢期「白癡媽」好興同啲江湖好友夜蒲，次次飲到不醉無歸。白癡媽嘅酒量都算女中豪傑，但飲足幾粒鐘唔high就有鬼啦。基於白癡媽有幾分姿色，醉後都有唔少三唔識七嘅麻甩佬同佢亁杯猜枚，大家飲到啤啤夫，白癡媽就同啲麻甩佬傾傾吓就黐身黐勢，跟住仲攬埋一嚿，真係吾不欲觀之。
男友接返歸
可能白癡媽男友知佢經常飲醉驚佢會出事，所以無論幾夜都會親自到場接女友返歸，如果唔係，後果真係唔敢諗喇！
Textby關仁
