韓國組合東方神起嘅第二次亞洲巡迴演唱會，前晚喺北京圓滿結束。今次巡迴個唱喺亞洲6個城市共演出13場，入場人數超過39萬人。由於前晚喺北京尾場演出受到票價過高同宣傳不足影響，入座率只得約7成，場面冷清。五子成晚唱咗20幾首歌，最後更向四川汶川大地震嘅災民表示關注，又呼籲歌迷要為賑災出力。