離北京奧運不足兩個月，吉祥物福娃亦早已滲透香港每個角落，呢5隻「貝晶歡迎妮」，初看似Keroro，但越睇越可愛！越近奧運，佢哋人氣將會飆至高峯！但人怕出名豬怕肥，往女人街走轉，發覺老「翻」巨猾商人推出一系列創意福娃A貨！唔想儍更更入咗假貨，跟住A貨祖兒，嚴選八大正牌福娃精品，等大家都可買正貨福娃，光明正大迎接08奧運！
記者：馮冠芝
攝影：周旭文、楊錦文
Model：Julie@TheGroup
Makeup：Angel
八大福娃之最
印象中，歷屆奧運吉祥物紀念品，離不開Tee、帽、杯等悶局，但今屆奧運，福娃精品咩款都有，真係估你唔到，索性精選八款最乜乜福娃，包你見到都O嘴！
No.1 最考智力！
相傳集齊7顆龍珠，神龍就會為你實現一個願望。咁如果集齊五款百日奧運倒數紀念球，又會發生咩事呢？答案係砌圖砌到頭都爆！由印有福娃、奧運等圖案拼成的奧運球是紀念奧運倒數推出的紀念品，全球限量2008套。圓球上的拼塊拆出來即成徽章，想將其還原成紀念球，就認真考IQ！
No.2 最富中國色彩
以福娃造型推出的首飾實不少，但我還是鍾情這款近似古代平安鎖的福娃吊墜，望真啲又似古時女人出嫁時頸子掛着的金豬微型版，夠晒傳統！
No.3 最多用途
一支福娃筆，頭上有印仔、中間拆出嚟可吹泡泡、更附送一本福娃簿，一次過滿足晒4個願望，仲勁過出奇蛋！
No.4 最Cutie
想奮身支持中國奧運，不如化身福娃！唔係講笑，有了這個福娃頭箍，戴上立刻變身福娃！A貨祖兒戴上晶晶頭箍，一對熊貓耳在頭上，Cute到暈。
No.5 最有氣「薰」
店員表示福娃公仔深受客人歡迎，加上這款公仔附有淡淡薰衣草清香，攬住瞓特別甜。
No.6 最In
呢副福娃太陽眼鏡，無框無柄，卻能緊貼面部防UV，戴出街夠晒潮！
No.7 最盞鬼
福娃紋身貼紙，印上皮膚只需5秒，用膠紙一黏就甩，方便之極！
No.8 最精緻
旅客意見：
LorenaLopez（來自墨西哥）：我喜歡綠色，所以覺得妮妮最可愛！我買了福娃NoteBook、公仔作手信。
本地薑福娃Fans：
黃先生（中七）：我之前已來過奧運專門店買福娃精品，離奧運越近，我會買更多！今次買了扣針，最喜歡歡歡，因為本身愛紅色。
福娃係乜東東？
好多人都知福娃的名字「貝晶歡迎妮」取自「北京歡迎你」的諧音，但5隻福娃的設計靈感、象徵意義就未必個個知，掃福娃貨前，先上個認識福娃速成班吧！
正牌奧運專門店：
（a）北京2008年奧運會特許商品旗艦店（香港）（25309733）
香港花園道一號中銀大廈地下
營業時間：11:00a.m-8:00p.m
（b）中銀旅遊美美店（25413373）
香港九龍旺角彌敦道683-685號美美大廈7字樓
營業時間：星期一至五（9:00a.m-7:00p.m）、星期六（9:00a.m-4:00p.m）、星期日及公眾假期休息
（c）奧運店尖沙嘴金馬倫道34-36號地舖（23667125）
營業時間：星期一至日11:00a.m-10:00p.m
由16/6-22/6，凡於此店購滿$300，即可與傳遞聖火之火炬合照！