四川大地震發生超過一個月，香港人賑災熱情未減，廉署上星期舉行周年晚宴，國難當前，ICAC上下唔敢太鋪張，特別更改菜單，唔食魚翅改食南瓜羮，慳番15,000幾蚊，連同晚宴上義賣、職員捐款，ICAC共籌得逾65萬元賑災。
據講ICAC職員好熱心募捐，自組隊伍表演籌款，娛人娛己，廉署職員康樂會特別訂一個廉署舊總部（即係美利道停車場）水晶模型義賣賑災，由一名舊同僚以20,000蚊投得。呢件水晶成本價2,800蚊。
支聯會亦喺上月底至本月初，喺街頭同維園燭光集會當晚，總共籌到逾78萬元，噚日交予紅十字會作賑災用途，香港人未忘六四，亦好關心受災同胞。