內地股市急挫至15個月以來低位收市，即使美股前晚反彈又點，港股一樣照插可也！23000關當然無險可守，昨日午市後港股跌幅不斷擴大，下跌431點收市。
全球憂慮高通脹，石油早已唔係要來「用」，而係要來「炒」！不過，油價挾高至現今水平，隨時有反高潮出現。近期美國一眾財金官員屢出口術撐強美元，預料油價短期霎時大跌並不奇，但不代表暗示股友可見勢炒石化及航空股，因股海已見「水亁」。
CDMA經營權賣價靚
聯通（762）係近日表現較佳股份之一，昨再逆市上升1.7%，收報14.58元，短期走勢似打底成功。聯通能以438億元人民幣售出CDMA網絡經營權及客戶予中電信（728），𠵱家睇番轉頭，似乎真係賣得好價！重組方案鋪開後，網通（906）將併入聯通變成「新聯通」，料將集中資源發展GSM網絡，成效係點現階段無人會知，但將中移動（941）近期股價表現與聯通比較，高下立判，反映市場對內地電訊業形勢已有新睇法係不爭事實。待聯通調整至13元水平，不妨考慮。
方星俠