阿根廷國家隊教練巴斯利，做人一向口不擇言，周四就狠批今屆歐國盃「悶死人」，仲話自己一定唔睇！巴斯利話：「啲歐洲隊淨係諗住唔輸晉級，不思進取，所以我唔鍾意歐國盃！」仲辣㷫埋宿敵巴西：「上仗佢哋輸畀委內瑞拉，我估鄧加賽後一定想搭直升機飛走！」不過，我求大俠覺得今屆歐國盃其實幾好睇，專家講嘢唔一定啱嘅！