古有寧要美人不要江山，今日就有人為睇波而冷落美人。講嘅就係瑞典公主麥德琳嘅男朋友貝士唐，話說禮拜一瑞典國王一心為愛女慶祝生日，好衰唔衰，當日撞正瑞典對希臘嘅歐國盃比賽，貝士唐係足球癡，為咗唔得失皇室同女友就勉強出席派對一陣，然後早退返歸睇直播。家陣單嘢揚晒，公主都幾瘀。