人氣韓國古裝劇《李算》前日喺首爾舉行慶功宴，女主角韓智敏同大班台前幕後齊齊出席。但係身為男主角嘅李瑞鎮就喺祝酒之後先匆匆趕到。近日被傳同女友金晶恩計劃秘密到海外結婚嘅李瑞鎮，向現場大批記者否認其事。至於另一女角朴恩惠，日前已經同新婚老公出發到南太平洋小島再度蜜月。