日本仔好識擇日子，副都心線6月14日開通，貫穿新宿、池袋、澀谷等shopping熱點快靚正，擺明食暑假條水！今次特選副都心線沿線酒店，筆直勒緊一萬Yen（約$740)樓下，全部光鮮企理不失禮。提你暑期人多房緊，睇中要即時上網訂啦！
$300住膠囊
山窮水盡，日本還有膠囊酒店（即更難聽但更形象化的棺材酒店），3至4千日圓有得住。日本大部份膠囊酒店都是男生only，女仔想住，可去秋葉原，不過呢個時候，我唔會再去囉。而新宿的一間，則有全日本最多的棺材箱，共630間，約$300一晚，可惜，manonly，但女孩子可在旁邊的LaLuckSpa玩一晚，因為有溫泉、岩盆浴兼按摩外，仲有休息間可以瞓覺，好多日本妹當酒店㗎。
地址：東京都新宿區歌舞伎町1-29-2
電話：（81）3-32074923
網址： http://www.hgpshinjuku.jp
池袋民宿最抵住
池袋區一向是港人掃貨集中地，除平酒店外，由台灣人經營的民宿更一直是港人之選。
晶庭之家
地址：東京都豊島區池袋2-32-4
電話：（81）3-39898868
網址： http://www.changtee.com
最平房價：單人房$444，雙人房$666
短評：台灣人開設的民宿，有４人房選擇，適合柴娃娃學生團，別館房價平約幾十蚊，但設備較少。
池袋劇場酒店
地址：東京都豊島區東池袋1-21-4
電話：（81）3-39882251
網址： http://www.theatres.co.jp/hotel/
最平房價：單人房$510-$659，雙人房$688
短評：網友熱選，旺中帶靜，去JR方便，不過上網訂價格勁浮動，幾乎日日不同，相差可以接近2,000日圓。
SuperHotel池袋北口
地址：東京都豊島區池袋2丁目62-14
電話：（81）3-39849000
網址： http://www.superhotel.co.jp
最平房價：單人房$464，雙人房$575
短評：與東橫INN分庭抗禮之連鎖平酒店，附設女性專用房，價錢同雙人房一樣。網友反應不俗。
新宿夠近啱掃貨
副都心線東新宿及新宿三丁目站，鄰近伊勢丹，0101近主要商場，歌舞伎町一帶酒店前往東新宿站最方便。
東新宿太陽道大飯店
HotelSunrouteHigashiShinjuku
地址：新宿區新宿7-27-9
電話：（81）3-52923610
網址： http://www.sunroutehotel.jp
最平房價：單人房$673，周日入住最抵可達$540
短評：Sunroute系酒店，平日最低消費都要一萬日圓樓上，今趟副都心線開通，喺正新站隔籬的東新宿店食正條水，特地搞酬賓價賀賀佢，減價之後變得非常抵住。留意優惠價只限網上預訂。
HotelSunliteShinjuku
地址：東京都新宿區新宿5-15-8
電話：（81）3-33560391
網址： http://www.sunlite.co.jp/index-e.htm
最平房價：單人房$466-$583
短評：又係副都心線酬賓價，優惠期至6月23日，距離新宿三丁目站5分鐘，勝在平、近。
HotelRoseGardenShinjuku
地址：東京都新宿區西新宿8-1-3
電話：（81）3-33601533
網址： http://www.hotel-rosegarden.jp
最平房價：$592-$740
短評：5月剛開別館，有機會住到新房。另現階段有特別住宿優惠，住宿一晚以上，可在早餐、劇場券及地鐵一日券中3選1。
澀谷酒店選擇少
講平，澀谷平均酒店房間，同新宿及池袋區的冇得比，不過如果以上兩區住得太多悶悶哋，以下是澀谷區幾間較為經濟的選擇。
HotelSuave
地址：東京都目黑區橋2-24-4
電話：（81）3-54338711
網址： http://www.suavehotel.net
最平房間：$806
短評：稍過1萬日圓，但區分較靚，酒店雅致，東急田園都市線池尻大橋站出口即到，轉線去目黑、六本木一帶方便。
澀谷奧林匹克INN飯店
地址：東京都目黑區大橋2-22-6
電話：（81）3-34695050
網址： http://www.olympic-inn.co.jp/shibuya_index.html
最平房價：$592
短評：個別日子可以平到$407，只要你忍受到間房實在很的骰，以及酒店外形真係頗唔靚。
澀谷CityHotel
地址：東京都澀谷區円山町1-1
電話：（81）3-54891010
網址： http://www.shibuya-city-hotel.com/stay/index_mac.htm
最平房價：單人房$725
短評：澀谷區內較實惠的酒店，距JR站步行約7分鐘。