戴夢夢、陳自瑤、杜麗莎一家與吳日言前晚在銅鑼灣出席《新變形俠醫》（TheIncredibleHulk）的首映禮，夢夢透露剛收到經理人通知，安排她暑假教小朋友唱歌，還有報酬，她說：「公司叫我教4至8歲小朋友學唱歌，我覺得幾有意思，所以好高興接呢個工作，未入樂壇前我都做過時裝售貨員，當日仲有個男仔為咗追我，幫我買咗幾千蚊衫，不過𠵱家我就冇拖拍。」
陳自瑤最近忙於拍無綫劇《同事三分親》，該劇預計下個月中煞科，但她被安排捲入三角戀為逃情離開香港，所以會提早收工，她說：「冇諗到劇情咁安排，𠵱家唔使等到7月就會拍完我啲戲份，其實同班藝員合作咗咁耐，𠵱家要離開，梗係有啲唔捨得。」
採訪：魯萍
攝影：黃偉雄