西班牙球星魯爾無緣本屆歐國盃之下，得前皇馬隊友兼阿根廷國腳列當度教路，一家人走去澳洲悉尼附近嘅小鎮避世，諗住離歐洲遠啲，可以忘記不快。不過據魯爾老友透露，雖然佢人在南半球，仍然心繫西班牙國家隊，前晚仲捱夜開電視支持隊友，睇見韋拿身穿屬於自己件7號球衣大演帽子戲法，一啲妒忌心都冇，仲開心到成個彈起㖭！