最近鄭融同周柏豪（右）合唱新歌，所以佢哋經常以孖公仔姿態宣傳，噚日佢哋去港台接受訪問。周柏豪話端午節同屋企人食飯，表弟好雀躍要佢幫手攞鄭融嘅簽名，鄭融就話：「有朋友知道我同佢合唱，好羨慕我，因為周柏豪同我跳舞時俾佢摸到我條腰，嗰啲朋友好鍾意周柏豪。」另外，鄭融端午節做義工包糭，佢希望明年可以同歌迷一齊包糭過節。