今屆歐國盃決賽周展開咗一個禮拜唔夠，已經要減價促銷！促銷啲乜？之唔係啤酒囉。話說今屆歐國盃主辦國之一嘅奧地利球迷區，如果係早上9時至下午2時買啤酒，就有優惠，由原本嘅4.5歐元（約54.4港元）一杯，減至3.5歐元一杯。有商販仲話我求大俠知，就算晚上比賽時間，球迷雖多，但一樣少幫襯，都咪話唔慘情。