當老細降旨講明做東京酒店專題，我覺得好有代溝，邊位後生仔女去東京有心情或閒錢研究瞓覺地點？慳住豪買是生於80年代人東京自由行不用說的秘密。
消費的意義，或者不在你抬得郁幾多公斤戰利品返香港，而是用同一價錢，你可以令自己有幾舒適愜意。
Well，以下幾間酒店，唔住，基本上也可以當景點行。
記者、部份攝影：劉嘉蕙
鳴謝：HyattRegencyTokyo，GrandHyattTokyo
HotelasGallery
Claska
Claska地理位置不tourist-friendly，採訪當日，平日、中午12點，如斯隔涉之地，大堂餐廳居然座無虛席，而這批人，點睇都唔似酒店客。
約訪問，第一次碰釘，「如果你們讀者多的話，我想還是不訪問比較好，我們只有15間房，經常客滿，我怕大家都湧來呢。」公關禮貌地婉拒。
由日本知名建築師鄭秀和打理的Claska顯然不是普通的酒店。早在03年首度亮相，Claska已瞬間掀起亞洲區設計界熱話，由概念、燈光、室內裝修、餐廳，統統是設計師口中的GoodCase，在SearchEngine輸入Claska，大部份都是粉絲膜拜之言。叫得做精品酒店，Claska之精，在於其精益求精，開業不足5年，Claska已宣佈裝修大計，終於今年3月，千呼萬喚再出來。
最平$932有得住
新Claska，總房間數量減到得15間，其中3間只招待一周以上的短期住宿，餘下9間由最平$932至$6,400都有，每間設計及價錢均不同。新裝示人，Claska推出和式Tatami房，開廁所門，馬桶廁板會應聲而起，和風之中隱現hi-tech摩登味。貴房則附設無敵大露台，房間設計簡約舒適，沒有酒店常有的侷促感。
不過，正如公關小姐所言，Claska房間常滿，「不過我們很歡迎大家到Gallery參觀，也可來這邊的餐廳KIOKUH吃飯！」新Claska二樓是Do精品店連Gallery，賣的全是selected設計佳品，三樓做Studio開放給藝術家租場，人腳來來去去，為Claska不斷注入新鮮感。
地址：東京都目黑區中央町1-3-18
電話：（81）3-37198121
網址： http://www.claska.com
HotelasThemepark
目黑雅叙園
去目黑雅敍園，人生第一次行酒店行到腳軟。
由大門口講起，左邊是源氏物語展廳，向右行是shop，轉左，見到一條流線型長廊，一堆姨姨着和服走來走去，沿廊有相展。
好不容易先見到目黑雅叙園牌匾。跨門而進，又一個海闊天空，3層樓高CoffeeShop坐滿人，中間有機械大鳥展動雙翅。穿過玻璃門，面前是小橋流水鯉魚和瀑布，瀑布之上乍現人腳數對——well，原來瀑布側有小路通往山中小樹林，酒店，都有得行山。
繞過被列為「有形文物」的百級樓梯，然後被設有小橋流水的洗手間嚇倒。高貴如此，無怪乎日本人真係會趁假日一家大細來當主題公園咁行，個個洗手間都大排長龍。
建成於昭和十年的目黑雅叙園，曾被譽為「昭和的龍宮城」，今時今日專辦高級婚禮，一樓有大大個WeddingCenter。想住，趁今年，因為酒店80年大酬賓，兩人一室約$2,853，唔係的話，平日最低消費都要約$5,000。
地址：東京都目黑區下目黑1-8-1
電話：（81）3-34914111
網址： http://www.megurogajoen.co.jp
LikeaTiramisu
汐留三井花園
三井花園酒店系列是簡約派的心頭好，由意大利名師設計的PieroLissoni的銀座店口碑不俗，同集團新作位於汐留意大利街，整體感覺清爽利落，房間配色我覺得好似Tiramisu！
地點：東京都港區東新橋2-14-24
電話：（81）3-34311131
網址： http://www.gardenhotels.co.jp
出門提一提
簽證：持特區護照或BNO毋須簽證。查詢：25221184（日本領事館）
套票：日本航空6月27日前來回東京機票，價錢$3,740起。查詢:23900421（學聯旅遊）
貨幣：100日圓約兌$7.3港元（所有價錢已折算為港元）
電壓：100V，兩腳扁插座
下周東京有雨，17~25℃
