特首曾蔭權終於在輿論壓力下，安排一眾副局長、政治助理面對傳媒，又辯稱政府獲這批政治新貴同意，公開他們的薪酬。
有政界人士稱，煲呔處理今次政治新貴的國籍及薪酬問題進退失據，淪為「擠牙膏」式被動地回應輿論追擊。
更重要的是，煲呔昨日根本沒有承認犯錯，將責任推到一眾副局長及政治助理身上，只會給予政黨更多空間窮追猛打，令政府無法止血。
有親政府立法會議員私下批評，雖然曾蔭權承認低估了民意反彈，但其實他未有承認在副局長外國籍問題上犯錯，「連中聯辦發言人都話，放棄外國籍係對香港有承擔表現，即係有外國籍又做政治任命官員係唔夠承擔，咁樣都諗唔到有問題，特首又點可以話自己冇犯錯？」
雖然曾蔭權不斷以《基本法》沒有禁止副局長擁有外國國籍，自辯之餘，但同時施壓令副局長「自願」放棄外籍。有泛民中人直指那是曾蔭權的「卸膊」表現：「若果（曾蔭權）咁理直氣壯，大可企硬唔公開，但當佢知道民意唔接受，又唔想民望下跌，於是夾硬屈班副局長、政治助理自願公開，完全唔記得最初係政府要佢哋封口。」
心戰室低估民情
更大問題是，今次特首辦處理危機的手法，與前特首董建華「擠牙膏」式回應公眾批評，可謂極為相似。特首的心戰室最初低估民情，任由事件鬧大，再逐少逐少發放資料，結果反而令政府「流血不止」，事件越炒越熱。
雖然曾蔭權昨日召開記者會，希望能夠替政府止血，反而吸引泛民繼續追打。有親政府議員分析，「泛民目標係打曾蔭權，唔係班副局長同政治助理，佢哋見政府打吓又讓少少，曾蔭權又唔肯認錯，一定窮追不捨，咬住唔放！」
本報記者