足球好睇，定籃球好睇呢？
近期足籃盛事拍住上，NBA已經打至最後階段的「夢幻決賽」，至於歐洲國家盃呢，剛剛起步，尚未到達戲肉的好睇階段，加上死亡C組悶局來個0:0，確實非常趕客。
但足球還是比籃球多話題，賽後多議論，就是受到注目、受歡迎，簡單始終就是美。
只聽兩大項的其中一個話題，就可知其分野，話說EURO08揭幕戰，瑞士打得好但輸波；最令人憤憤不平的，是完場前捷克球員兩番涉嫌犯12碼，球證都無反應，你無事我有事，有原因支持瑞士的，冇原因純粹睇波的，都會替瑞士不值，因為我們在電視賽都看到那個波與那隻手有接觸，於是「波打手，手打波」來個討論得不亦樂乎，人人是專家。
至於NBA塞爾特人第2場主場再贏湖人，皮雅斯夠man，拜恩夠準，可觀性十足，但就是吹罰一項就夠你摸不着頭腦，全場波士頓有38個罰球，湖人則只有10次，球證的判罰成為勝負分野；而我們只有睇的份兒，連拜恩入波後一聲吼叫，也竟然了技術犯規，令人摸不着頭腦，相比之下，足球還是簡單得可愛，起碼人人可以插嘴。文︰Keyman