商天娥一向對感情低調，早前她陪伴男友李偉誠到東莞傾生意，做跟得女友，有周刊指他們把臂同遊去開房，娥姐聞言即反駁說：「上去做嘢梗係要住酒店，唔通瞓街咩！」
商天娥、謝天華和滕麗名等昨日在奧海城宣傳無綫劇集《師奶股神》，自從劇集播出之後，幾位主角的確多了師奶fans的支持。
只會奉子成婚
日前有周刊大字標題報道指她與男友在東莞開房，娥姐笑說：「上去做嘢梗係要住酒店啦，唔通瞓街咩！不過我又唔係咁介意人哋咁講，反而佢（指男友）公司啲同事有打畀佢，話唔知佢同我拍拖，男人老狗又點會周圍講同邊個拍拖㗎，𠵱家佢啲行家知道晒，聽佢講啲人態度仲好咗，佢應該多謝我！」娥姐又表示無結婚計劃，她說：「結婚都係為屋企人同朋友，當係搞個party，除非有咗BB啦，不過呢個可能性好低。」
此外，謝天華表示多了男性觀眾討論劇情，他說：「我都覺得好奇怪呀！可能角色心態好寫實，好多人都有共鳴。」
採訪：何慧斯
攝影：林德雄