十二位候選港姐昨日穿着同款不同色的服裝，出席在奧海城舉行的宣傳活動，未知是否連日來忙於外景拍攝，返港又要應付一連串集訓和宣傳而欠缺休息，昨日現場所見，眾佳麗的皮膚狀態略嫌欠佳，尤以11號馬賽最嚴重，臉上長滿粒粒，情況令人擔憂。
無綫昨日在奧海城舉行「TVB最受歡迎電視廣告大獎2008」公開投票宣傳活動，同場邀請今屆候選港姐投票，向來被指皮膚質素欠佳的11號馬賽，昨日所見情況比前更嚴重。
談到皮膚問題，馬賽說：「𠵱家的確嚴重咗少少，我睇西醫食緊藥，食咗藥會谷晒啲粒粒出嚟，醫生話我唔係內分泌失調，反而係因為搽得防曬太勁，搞到毛孔閉塞而生滿粒粒，佢仲話最好方法係少啲化妝，畀皮膚有休息機會，所以我都盡量爭取時間畀皮膚休息，而且仲會做運動出多啲汗，我都希望快啲好番。」
無懼影響評分
問到馬賽會否擔心皮膚欠佳影響比賽表現，她說：「咁我又唔係咁擔心，始終仲有個幾月時間，而且攞獎仲要睇其他表現，唔係淨係睇皮膚。我一向都冇畀壓力自己，𠵱家選港姐都係當上summercourse，所以都係平常心面對啦，多謝你哋嘅關心。」
昨日現場有十多名攝影發燒友「恭候」一眾佳麗，其中4號高海寧識做地充當模特兒任影。對於有周刊刊登了她讀書時的照片，高海寧說：「咁咪當幫我澄清，證明我身材係全天然，冇花冇假。其實同朋友影相好正常，而且我都冇乜相係唔可以出街。」
採訪：何慧斯
攝影：林德雄
