正當香港各巴士公司以引入歐盟4型環保新車感到自豪之際，原來喺新加坡，首部歐盟5型環保巴士已經搶先投入服務。呢款環保巴士屬德國Mercedes-Benz出品，外觀同普通巴士差唔多，但佢使用咗廠方最新嘅BlueTec5柴油技術，呢套技術能將廢氣中嘅有毒氧化氮轉化成氫氣同水蒸氣，從而令排放出嚟嘅廢氣變得更潔淨，若同歐盟4期車型相比，足可減少廢氣中嘅氧化氮約42%，行車噪音都較低。睇番香港，雖然巴士公司都已逐步將歐盟1期或之前嘅車輛，以新型號車種取代或加裝催化器，但都仲見到有部份巴士噴出大量黑煙，係咪維修保養上出問題呢？而且偶然亦會見到啲停車唔熄匙嘅司機。睇嚟，香港嘅巴士公司都要喺維修保養同教導司機呢兩方面落多啲工夫，如果唔係，就算部車符合歐盟N期環保條例都無用！
記者：丹尼斯