亞視一眾台前幕後人員噚日喺大埔總台出席「2008北京奧運60日倒數」揭幕儀式暨「送愛到四川」活動，仲安排藝員吳嘉星、吳芳、黃嘉謙同埋翟鋒，喺電視大樓平台攀爬至五層樓高，為幕牆嘅宣傳橫額揭幕。由無綫過檔嘅袁彩雲為今屆亞視奧運節目做主持，佢話：「我好大機會去北京見證今屆奧運，公司都安排好訓練課程畀我哋，了解多啲奧運。」