土耳其嘅21歲前鋒卡森李察士，真係好有羅馬王子托廸嘅影子！我求大俠咁講唔係因為佢好波，而係佢被瑞典電視台影到上場分組賽向葡萄牙球員沙保沙吐口水，如果葡萄牙告到歐洲足協，佢好可能停賽。其實，土耳其國內傳媒對李察士評價好高，佢亦暗示希望重返英球壇。既然咁有大志，就畀心機踢好波，唔好再吐口水啦！