副局長同政治助理搞到滿城風雨，泛民乘勢追擊，但公民黨主席關信基噚日講開，原來食衞局政治助理陳智遠同環境局副局長潘潔讀書時都跟過佢，仲話覺得陳智遠適合做政治助理，因為佢以前上堂嗰陣，同同學拗嘢嘅時候都會用幽默方法擺平件事，好識協調各方。至於潘潔，關信基就覺得佢好聰明，但搞學術會優勝啲喎。
雖然外界批評不絕，但關信基仍然話，呢兩位學生有潛質同能力做官，但講到當年佢哋課堂上嘅表現，阿關就話兩人上堂唔遲到又準時交論文，成績只係中上唔算非常標青嗰隻。咁薪酬係咪要公開呢？阿關話持開放態度，但若政治上有需要同值得嘅話，就應該公開。