不少職業婦女與高跟鞋相依為命，講到穿高跟鞋的尷尬史真是又愛又恨，咬牙切齒。
網友DouDou試過穿一對兩吋多的高跟鞋出席公司的annualdinner，結果落車時失重心「跪咗喺度」，遭老闆笑笑口奉勸「唔好着咁高」。嘉悅小主經歷就似足電視劇橋段，可惜欠缺一位翩翩貴公子，「隻鞋踭塞咗落個坑渠窿，拉唔番出嚟，結果要除咗隻鞋，踎喺度用手拉，瘀到爆！」
別以為高跟鞋瘀事只影響個人，「oOo一粒冰oOo」見過有女士對高跟鞋鞋踭插咗入MTR月台條罅度，阻人前進，「後面成堆人又入唔到……」Summer更試過過馬路衝紅燈時鞋踭塞住渠蓋，結果要車輛停定等她拉番對鞋出來。Anthonchai的遭遇更是損手爛腳，「落巴士時絆倒……整個人好似飛彈咁自車廂飛彈出嚟，鏟（真係鏟）上行人路……整車乘客+巴士站啲人都望住！」
http://www.beautyexchange.com.hk/revamp/forums/read.php?4 ,4149903
《蘋果》網聞請你報料！大家無論在網上網外發現任何騎呢搞笑的事情，都歡迎提供照片或短片資料。
請附姓名、電話及電郵地址，電郵到：mailto:[email protected]