油價一升就10美元，兩日加埋升超過一成，花旗股市有乜辦法唔大散，上個禮拜五道指就大跌近400點，而美元係咁俾人掟，噚晚花旗股市有冇得彈都好難講，不過，後市就好難睇好。
油價升得咁勁，全球嘅通脹都會被扯高，歐洲下個月加息機會好大，不過花旗經濟差，要加息唔容易，而內地通脹威脅大，但四川地震之後有好多新增嘅工作同顧慮，中央宏調措施有好多掣肘，但人行上周六宣佈加銀行存款準備金率一個百分點，成個局面又變得緊張，今日港股多數要低開，買貨只宜候低收集。
中石化C輪5870：中石化（386）報8.25元，個勢去緊250日線（9.03元），今日如果低開，伺機收集C輪5870，隻輪上周五收12.5仙，有效槓桿4.2倍，正股升上9.03元，5870可見17.7仙，正股跌穿7.7元，就沽咗隻輪止蝕。