拉闊足球場:俄羅斯最佳冷門

拉闊足球場:俄羅斯最佳冷門

歐國盃周日進行次天比賽,奪標大熱門德國登場,B組遇上波蘭;不少《拉闊足球場》讀者都認為德國首名出線冇問題,是今屆可靠熱門;冷門方面,由名帥軒廸克執教的俄羅斯,亦不乏捧場客。
今集討論重點:今屆歐國盃的最佳熱門及冷門球隊?

Alan:德國等如半個主場

今屆賽事由瑞士同奧地利主辦,德國等如有半個主場之利;睇番德國B組對手,奧地利係魚腩,往績亦食正波蘭,係克羅地亞好少少,德國首名出線冇問題。冷門我揀羅馬尼亞,佢哋可以喺外圍賽壓過荷蘭出線,今次有權再喺死亡之組突圍。

Alan貼士:小組首名:葡萄牙(2.35)x德國(1.7)2x1@$300

金句:德國有半個主場之利,同組對手又差

金水:俄羅斯歐國盃往績掂

今屆歐國盃我揀俄羅斯,睇番歐國盃歷史,前蘇聯都好厲害,如果唔係尹巴士頓的世界波,88年蘇聯已經有機會捧盃;球隊又有好教練,應該可以同西班牙雙雙D組出線。

金水貼士:小組一二名:捷克/土耳其(17)x
德國/波蘭(4.9)x意大利/荷蘭(6.2)x
西班牙/俄羅斯(5.8)4x15@$20

金句:歐國盃歷史,前蘇聯都好厲害

《拉闊足球場》下次舉行日期:09/06