紅磡新盤海濱南岸受「雨水期」影響建築進度，交樓日期順延至最遲八月底，代理透露，部份買家近日收到發展商通知，表示項目受天雨影響，未能如期交樓，已入市嘅投資者可有更多時間放盤，至於未買嘅，就要有心理準備遲入伙喇。
講開呢個盤，其實已經賣咗一段時間，銷情算幾平穩，周末假期平均都有10幾宗成交，而位於尖沙嘴新世界中心商場嘅售樓處，陸續有市民到場參觀，睇完樓可以搭港鐵去鑽石山站上蓋嘅荷里活廣場，當日嘅活動十分適合男士，就當提早慶祝父親節。
荷里活廣場搞咗個全港首個最大型嘅世紀軍事珍藏展，等父親同仔女齊認識軍事歷史，共享親子樂。
場內展出20個唔同國家嘅軍服，包括二次大戰美國陸軍常服、傘兵外套等。又展出超過1000件由1918年第一次世界大戰至近代軍事用品及裝備。想影番張相留念？可以到父子兵攝影區，消費滿100元或以上，可穿上迷彩軍服拍照留念。另有軍事模型展銷攤位，提供多款軍事模型、軍事用品及軍服供選購。