近年娛樂圈都吹起一股瘦身纖體嘅熱潮，好多公司都搵啲女星做代言人，以前「彩虹女」幫佢緋聞男友「七哥」嗰間纖體公司，都做咗好耐代言人，大家都發覺佢越嚟越瘦，尤其佢塊面，以前圓圓哋咁都幾得意，但𠵱家就下巴尖晒，臉珠嗰兩嚿肉都唔知去咗邊！
好多人就以為彩虹女纖體成功，但關仁聽到小道消息話，彩虹女其實係靠打針瘦面，所以效果先至咁顯著。
走火入魔
呢輪彩虹女好似打瘦面針打上癮咁，聽講佢好短時間就上去醫務所度打針，所以搞到塊面越嚟越瘦，直情有啲走火入魔嘅感覺，唔少彩虹女身邊嘅朋友都勸佢唔好打咁多，但佢就聽唔入耳，其實彩虹女以前塊面圓圓哋咪仲靚女，希望佢及早回頭是岸，唔好再去打瘦面針就好啦！
Textby關仁
