美國編劇公會喺去年底至今年2月進行大罷工，令唔少電視電影停工，金球獎搞唔成之餘，差啲連奧斯卡都要暫停。最近有研究發現，編劇公會搞一次罷工，令荷李活損失咗37,700份工作，更加令加州蒙受21億美元（約164億港元）嘅損失。現時美國演員公會都正同大型影片商進行談判，經濟家提醒若然演員公會又進行罷工，可能會令加州經濟陷入雙位數字嘅衰退。