陳曉東被指與某時尚集團到四川派救災物資，結果更改行程變為拍攝公益廣告，事後被網友狂轟做騷。
東東昨日接受電話訪問時透露，當日他與友人帶着物資結伴到四川，到達後才知道友人同時要拍公益廣告，但他早已聲明此行不拍照不做訪問，只想低調幫助災民，誰知其內地聯絡人梁熠竟安排電視台隨行拍攝，故他一怒之下將其炒魷，東東說：「我同佢一齊帶去嘅物資就叫佢去送，我同朋友一齊走。」
炒聯絡人起風波
分道揚鑣之後，東東被梁熠指摘借賑災為名，其實去拍公益廣告，東東說：「我朋友拍佢嘅公益廣告，我冇參與，件事係因為我炒人先俾人亂講，總之廢話日日有人講，我做嘢問心無愧。」
而其緋聞女友裴唯瑩更被指在個人網誌發表兩篇文章痛罵東東，東東昨在電話中說：「我問咗佢，佢唔係講我，係啲人copyandpaste啲嘢夾硬話係我，佢已經澄清咗。」而裴唯瑩昨日也以「你們寃枉了曉東了，更不要來我這亂載一通！」為題更新網誌澄清。
採訪：蔡如玉