連喺西維爾都爭取唔到一席正選嘅廸沙廸斯，係今屆意大利第3號龍門，斷估冇機會落場。不過，原來佢都有佢嘅作用，就係做娛樂大使。話說佢經常喺休息時間同隊友講吓笑搞氣氛，令陣營氣氛輕鬆啲；早幾日，佢仲喺奧地利代表球隊出席宣傳活動，上台獨唱！講到呢度，或者大家明白教練鄧納東尼為乜選佢囉。