田雞、林子聰在新片《少林少女》中，延續了《少林足球》鐵布三及水尚飄的角色，同樣以三師兄和六師弟的身份亮相，而且初拍日本女星柴崎幸。
雞同鴨講
日前田雞和肥仔聰在九龍灣接受訪問，大爆柴崎幸在片場內外兩個樣，田雞說：「片場見佢個樣好嚴肅冇啲笑容，食飯攞完飯盒就上車食，就算同男主角都冇乜交流，唔似我同肥仔聰會雞啄唔斷。」肥仔聰接着說：「拍完戲大家一齊去食飯，即刻變晒樣，一坐低已經話啲酒仲未嚟㗎！飲酒個款仲好豪爽㖭。」
不過比起柴崎幸，肥仔聰覺得戲中數十個穿着超迷你短裙的性感女郎更為吸引，他說：「我睇到班女仔，真係嘩一聲，導演見到我個樣咁真情流露，都話要拍埋入鏡。」田雞說：「我有太太陪去拍戲就冇行，啲女仔知道肥仔係導演，就不停派卡片，好多女仔黐住佢，不過衰在語言唔通啫！」
採訪：魯萍
攝影：仇志德