買股票可以低買高沽，優質如滙豐（005）甚至可放在保險箱十年八載不理；但要以投資心態攻陷每四年一度嘅足球大賽，絕對要果斷找緊每個出擊時機，善用注碼，隨時轉軚。歐國盃明天開打，有幸為本欄壓軸，就同波友分享用投資心態攻陷歐國盃。
歐國盃只得31場，幾時都講要贏錢要專注，超級球迷如我，也難言賽前認清每支參戰球隊底蘊，所以分組賽首輪就算是奧地利對克羅地亞也不應錯過，日後贏錢靈感往往此中尋；反而荷蘭對意大利這類大家熟悉的大戰，就不應重注搏殺。
到所有球隊亮相過後，玩樂心態者可敲冠軍及神射手等特別賠率，分頭減但勝在範圍會大幅收窄；進取者，個人認為第2及第3輪分組賽屬重點出擊階段。像上屆重點攻英、法在首圈第2及第3輪分組賽，已為個人奠勝大豐收；到淘汰賽，以平注長追越睇越似樣的希臘贏到冠軍，最後小弟好彩在該屆名家挑戰賽奪魁。
沒有英格蘭，荷蘭又不似有冠軍相，我想會令自己作更客觀分析，不捧名牌，初步博冠軍有30倍的俄羅斯，有名帥軒廸克加辛尼特的旺氣也抵博；話過會隨時在首輪後轉軚，但目標清晰，要賺夠盤川，再朝拜英超！
文：蘋果波神
四年一次，應珍惜每一場比賽，贏錢不二法門，專注、客觀！